ԳՅՈՒՄՐԻ, 7 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 6-ին Գյումրիում ավարտվեց շախմատի միջազգային մրցաշարը, որը կազմակերպել էին ՀՀ շախմատի ֆեդերացիան եւ շախմատի հանրապետական ակադեմիան: Մրցումներին մասնակցեցին Ռուսաստանի, Ուկրաինայի, Վրաստանի եւ Հայաստանի շախմատիստները: 11 հնարավորից 9 միավոր վաստակեց եւ միանձնյա հաղթող ճանաչվեց գրոսմայստեր Արման Փաշիկյանը (Երեւան): 2-3-րդ տեղերը 7-ական միավորով համապատասխանաբար զբաղեցրին Գեորգի Բագատուրիան եւ Թամազ Գելաշվիլին (2-ն էլ Թբիլիսի): Մրցաշարը 10-րդ կարգի էր: Անցկացվեց 1-ին անգամ եւ կդառնա ավանդական: Հայաստանի շախմատի ակադեմիայի նախաձեռնությամբ առաջիկայում կանցկացվեն եւս 2 միջազգային մրցաշարեր Ջերմուկում (հունիսի 26-ից հուլիսի 6-ը) եւ Մարտունիում (հուլիսի 10-20-ին):

---