ՈՒԵՖԱ-Ի ԽԱՂԱՐԿՈՒԹՅՈՒՆՆԵՐՈՒՄ ՀԱՅՏՆԻ ԴԱՐՁԱՆ ՀԱՅԱՍՏԱՆԻ ԹԻՄԵՐԻ
ՄՐՑԱԿԻՑՆԵՐԸ
02-07-2008 14:30:00 | Հայաստան | Սպորտ
ԵՐԵՎԱՆ, 2 ՀՈՒԼԻՍԻ, ՆՈՅՅԱՆ ՏԱՊԱՆ: Հուլիսի 1-ին Շվեյցարիայի
Նիոն քաղաքում ՈՒԵՖԱ-ի կենտրոնակայանում կայացան 2008-2009թթ.-ի
չեմպիոնների լիգայի եւ ՈՒԵՖԱ-ի գավաթների խաղարկությունների
որակավորման փուլերի վիճակահանությունները:
Չեմպիոնների լիգայի պայքարի մեկնարկում Հայաստանի «Փյունիկը»
Լառնակայում հուլիսի 15-ին կամ 16-ին կմրցի Կիպրոսի «Անորտոսիսի»
հետ: Պատասխան խաղը Երեւանում կանցկացվի հուլիսի 22-ին կամ 23-ին:
ՈՒԵՖԱ-ի գավաթի խաղարկության մեկնարկում հուլիսի 17-ին
Հայաստանի «Բանանցը» Զալցբուրգում կխաղա Ավստրիայի «Ռեդ բուլի»
հետ: Նույն օրը «Արարատը» Շվեյցարիայի Բենլինզոնա քաղաքի համանուն
թիմին կընդունի Երեւանում: Պատասխան հանդիպումները նշանակված են
հուլիսի 31-ին: