ԱԴԴԻՍ-ԱԲԵԲԱ, 26 ՄԱՅԻՍԻ, ՆՈՅՅԱՆ ՏԱՊԱՆ: Եթովպիայի նախկին
առաջնորդ Մենգիստու Հայլե Մարիամը ցեղասպանության մեղադրանքով
հեռակա կարգով դատապարտվել է մահապատժի: Նման դատավճիռ է կայացվել
նախկին վարչակարգի եւս 18 գործիչների նկատմամբ:
2007թ. Եթովպիայի նախկին առաջնորդը դատապարտվել էր ցմահ
բանտարկության, սակայն այդ վճիռը բողոքարկվել էր հանրապետության
դատախազի կողմից, եւ այժմ գերագույն դատարանը նոր որոշում է
կայացրել:
Մենգիստու Հայլե Մարիամը մեղավոր է ճանաչվել ցեղասպանության
եւ ռազմական հանցագործությունների մեջ: Դատավարությունը տեղի էր
ունենում հեռակա, քանի որ 1991թ. հեղաշրջումից հետո Եթովպիայի
նախկին առաջնորդն ապրում է Զիմբաբվեում, որի իշխանությունները
հրաժարվում են հանձնել նրան: