ԴՈՒՇԱՆԲԵ, 14 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Տաջիկստանի մայրաքաղաք Դուշանբեում նախագահական պալատից 300 մետր հեռավորությամբ նոյեմբերի 14-ին տեղի ունեցած հզոր պայթյունի հետեւանքվ զոհվել է մեկ մարդ: Պայթյունը տեղի է ունեցել վաղ առավոտյան Կոխի Վահդատ պալատական համալիրի շենքի մոտ, որտեղ այսօր մեկնարկելու էր միջազգային համաժողով, որի ընթացքում ելույթ պետք է ունենար Տաջիկստանի վարչապետը: Տաջիկստանի ազգային անվտանգության կոմիտեի առաջին փոխնախագահ Կասիմ Գաֆարովը հայտնել է, որ պայթյունի ժամանակ զոհվել է համալիրի պահակը, որը մինչեւ համաժողովն սկսվելը ստուգում էր տարածքը: Հարուցվել է քրեական գործ ահաբեկչության փաստի առթիվ:

---