2006 Թ.-Ի ՀՈՒԼԻՍ-ՍԵՊՏԵՄԲԵՐԻՆ ՀԱՅԱՍՏԱՆԻ ՎԱՐԿԱՅԻՆ
ԿԱԶՄԱԿԵՐՊՈՒԹՅՈՒՆՆԵՐԻ ՀԱՇՎԵԿՇՌԱՅԻՆ ԸՆԴՀԱՆՈՒՐ ԿԱՊԻՏԱԼԸ 15,4%-ՈՎ
ԱՃԵԼ Է
25-10-2007 20:00:00 | Հայաստան | Տնտեսություն
ԵՐԵՎԱՆ, 25 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: 2007թ.-ի սեպտեմբերի
31-ի դրությամբ Հայաստանում գործել են 20 վարկային
կազմակերպություններ` 35 մասնաճյուղերով: ՀՀ Կենտրոնական բանկի
տվյալներով, վարկային կազմակերպությունների փաստացի լրացված
կանոնադրական հիմնադրամը նշված ժամկետին կազմել է 9 մլրդ 874 մլն
952 հազար դրամ (շուրջ 29 մլն 924 հազար ԱՄՆ դոլար) եւ
հուլիս-սեպտեմբերին աճել 10,3%-ով: Վարկային կազմակերպությունների
հաշվեկշռային ընդհանուր կապիտալը 2007թ.-ի սեպտեմբերի 30-ի
դրությամբ կազմել է 10 մլրդ 974 մլն 438 հազար դրամ` երրորդ
եռամսյակում աճելով 15,4%-ով:
Հայաստանի վարկային կազմակերպությունների ընդհանուր
պարտավորությունների ծավալը 2007թ.-ի սեպտեմբերի 30-ի դրությամբ
կազմել է 27 մլրդ 668 մլն 20 հազար դրամ` երրորդ եռամսյակում
աճելով 21,5%-ով. ընդհանուր ակտիվների ցուցանիշները կազմել են,
համապատասխանաբար, 38 մլրդ 642 մլն 548 հազար դրամ եւ 19,7%:
2007թ.-ի սեպտեմբերի 30-ի դրությամբ, վարկային
կազմակերպությունների 37 մլրդ 835 մլն 205 հազար դրամ ընդհանուր
վարկերի եւ դեբիտորական պարտքերի պորտֆելի 97,4%-ը կազմել են
ստանդարտ վարկերը եւ պարտքերը:
Վարկային կազմակերպությունների կողմից ռեզիդենտներին տրված
վարկերի, ավանդների, ֆակտորինգով եւ լիզինգով տրամադրված
գումարների ընդհանուր ծավալը 2007թ.-ի սեպտեմբերի 30-ի դրությամբ
կազմել է 35 մլրդ 66 մլն 134 հազար դրամ (աճը` 20,1%):
Արդյունաբերության ճյուղին տրամադրվել է 4 մլրդ 330 մլն 207 հազար
դրամ (աճը` 22,9%), գյուղատնտեսության ճյուղին` 3 մլրդ 128 մլն 463
հազար դրամ (աճը` 22%), շինարարության ճյուղին` 1 մլրդ 800 մլն 405
հազար դրամ (աճը` 43,8%), տրանսպորտի եւ կապի ճյուղին` 1 մլրդ 373
մլն 447 հազար դրամ (աճը` 12,6%):
Առեւտրի ճյուղին Հայաստանի վարկային կազմակերպությունների
կողմից տրամադրված գումարների ծավալը կազմել է 8 մլրդ 171 մլն 918
հազար դրամ (աճը` 14,9%), տնտեսության ֆինանսական հատվածին
տրամադրվել է 682 մլն 369 հազար դրամ գումար (աճը` 49,8%):
Տրամադրված սպառողական վարկերի ծավալը կազմել է 5 մլրդ 875 մլն 903
հազար դրամ (աճը` 15,3%), հիփոթեքային վարկավորմանը` 4 մլրդ 18 մլն
850 հազար դրամ (աճը` 31%), այլ ճյուղերինը` 5 մլրդ 684 մլն 572
հազար դրամ (աճը` 41,9%):
2007թ.-ի սեպտեմբերի 30-ի դրությամբ վարկային
կազմակերպությունների համախառն եկամուտները կազմել են 6 մլրդ 21
մլն 419 հազար դրամ, համախառն ծախսերը` 4 մլրդ 570 մլն 484 հազար
դրամ, զուտ եւ չբաշխված շահույթների ծավալը` 1 մլրդ 346 մլն 602
հազար դրամ: