ԼԵՀԱՍՏԱՆԻ ՆՈՐ ԿԱՌԱՎԱՐՈՒԹՅԱՆ ԳԼԽԱՎՈՐ ԽՆԴԻՐՆԵՐԻՑ ՄԵԿԸ ԿԼԻՆԻ
ՌՈՒՍԱՍՏԱՆԻ ՀԵՏ ՀԱՐԱԲԵՐՈՒԹՅՈՒՆՆԵՐԻ ԲԱՐԵԼԱՎՈՒՄԸ
23-10-2007 18:15:00 | Լեհաստան | Միջազգային
ՎԱՐՇԱՎԱ, 23 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Լեհաստանի նոր
կառավարության գլխավոր խնդիրներից մեկը կլինի Ռուսաստանի հետ
հարաբերությունների բարելավումը, հայտարարել է կիրակնօրյա արտահերթ
խորհրդարանական ընտրություններում հաղթանակ տարած «Քաղաքացիական
պլատֆորմ» (ՔՊ) կուսակցության առաջնորդ Դոնալդ Տուսկը:
Առկա են Ռուսաստանի հետ հարաբերությունների բարելավման «զգալի
հույսեր», քանի որ «մենք երկար տարիների ընթացքում առաջին անգամ
Մոսկվայից այդպիսի լավ գնահատականներ լսեցինք: Ջերմացման հույսեր
կան», ընդգծել է Տուսկը:
Ինչպես սպասվում է, ընտրություններում հաղթած ՔՊ-ի
ղեկավարությունը արդեն այսօր նրան կառաջարկի զբաղեցնել վարչապետի
պաշտոնը եւ ձեռնամուխ լինել նոր կառավարության ձեւավորմանը: