ԱՄՆ-Ի ՍԵՆԱՏԸ ԱՄԵՐԻԿԱՑԻ ՊԵՏՊԱՇՏՈՆՅԱՆԵՐԻՆ ԱՐԳԵԼԵԼ Է ԹՌՉԵԼ
ԱՌԱՋԻՆ ԿԱՐԳՈՎ
17-10-2007 15:40:00 | ԱՄՆ | Միջազգային
ՎԱՇԻՆԳՏՈՆ, 17 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: ԱՄՆ-ի Սենատը
հոկտեմբերի 16-ին կայացած նիստում միաձայն քվեարկել է առաջին
կարգով ամերիկացի պետպաշտոնյաների թռիչքները առանց դրա համար
հատուկ պատճառների արգելելու օգտին:
«Երբ դաշնապետական աշխատողները թռչում են առաջին կարգով,
նրանք հարկատուներին վերաբերվում են որպես երկրորդ սորտի
քաղաքացիների»,- ասվում է հանրապետական սենատոր Ջեյմս Դեմինթի
Վաշինգտոնում տարածած հայտարարության մեջ:
Ուղղումը ԱՄՆ-ի պետծառայողներին արգելում է գնել առաջին կամ
բարձր կարգի ավիատոմսեր ի խախտումն գոյություն ունեցող կանոնների,
համաձայն որոնց պաշտոնյաների համար այդպիսի տոմսեր կարող են ձեռք
բերվել միայն եթե դա անհրաժեշտ է անվտանգության նկատառումներով,
գործուղման հատուկ առաջադրանքի, աշխատակցի առողջության կամ այն
դեպքում, եթե մոտակա 24 ժամվա ընթացքում նախատեսված չվերթի
սովորական կարգի տոմսեր չկան: