ՖԻՖԱ-Ի ԵՎ ՈՒԵՖԱ-Ի ՆԱԽԱԳԱՀՆԵՐԸ ԻՐԵՆՑ ԱՌԱՋԻՆ ՀԱՄԱՏԵՂ ԱՅՑԸ
ԿԱՏԱՐԵՑԻՆ ՀԱՅԱՍՏԱՆ
16-10-2007 22:00:00 | Հայաստան | Սպորտ
ԵՐԵՎԱՆ, 16 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Երկօրյա այցով
Հայաստանում էին գտնվում ՖԻՖԱ-ի նախագահ Զեպ Բլատերը եւ ՈՒԵՖԱ-ի
նախագահ Միշել Պլատինին: Մեկնելուց առաջ ՀՖՖ-ի նախագահ Ռուբեն
Հայրապետյանի հետ համատեղ ասուլիսում նրանք հայտնեցին, որ
մասնակցել են Երեւանի Աճառյան փողոցին հարող տարածքում
«Մանկապատանեկան ինտերնատ-մարզադպրոց. ազգային հավաքականների
տեխնիկական կենտրոն»-ի հիմնարկեքին, այցելել են «Բանանց»
ֆուտբոլային ակումբի վերակառուցված մարզահամալիրը:
«Եվրո-2008»-ի ծրագրով Հայաստան-Ադրբեջան թիմերի չկայացած
երկու հանդիպումների վերաբերյալ հարցին Մ.Պլատինին պատասխանեց, որ
որոշումը կայացրել է ՈՒԵՖԱ-ի գործկոմը` փորձագետների
ուսումնասիրության հիման վրա: Նա նշեց, որ հարավկովկասյան 2
երկրների հարաբերությունները նկատի ունենալով հետայսու Հայատսանի
եւ Ադրբեջանի հավաքականները կամ առանձին թիմեր միեւնույն խմբում
չեն ընդգրկվի: