ՍԵՊՏԵՄԲԵՐԻ 9-18-ԻՆ ՀԱՅԱՍՏԱՆՈՒՄ ԿԱՆՑԿԱՑՎԵՆ ՀՐԵԱԿԱՆ
ԵՐԱԺՇՏՈՒԹՅԱՆ ԵՎ ՊՈԵԶԻԱՅԻ ՕՐԵՐ
06-09-2007 20:50:00 | Հայաստան | Մշակույթ
ԵՐԵՎԱՆ, 6 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Բաց հասարակության
ինստիտուտի օժանդակության հիմնադրամի (ԲՀԻՕՀ) հայաստանյան
մասնաճյուղի եւ «Նարեկացի» արվեստի միության նախաձեռնությամբ
Հայաստանում կանցկացվի ազգային փոքրամասնությունների մշակույթը
ներկայացնող նախագիծ: Ինչպես սեպտեմբերի 6-ի ասուլիսում հայտնեց
Երեւանի պետական կոնսերվատորիայի դոցենտ Արամ Թալալյանը, նախագծի
շրջանակներում սեպտեմբերի 9-18-ին Երեւանում, Գյումրիում, Կապանում
եւ Վանաձորում կանցկացվեն հրեական երաժշտության եւ պոեզիայի օրերը:
Ըստ նրա, կներկայացվեն հրեա արվեստագետների ստեղծագործություններ,
այդ թվում Հայաստանում բնակվող կոմպոզիտոր Վիլլի Վայների գործերը:
Ա.Թալալյանը հայտնեց նաեւ, որ առաջիկայում Հայաստանում
կկազմակերպվեն ասորական, քրդական, հունական եւ այլ ազգային
փոքրամասնությունների երաժշտության եւ պոեզիայի օրեր: