ԵՐԵՎԱՆՈՒՄ ԱՎԱՐՏՎԵՑ ԷԴՎԱՐԴ ԱՐԻՍՏԱԿԵՍՅԱՆԻ ՄԻՋԱԶԳԱՅԻՆ ԵՐԿՐՈՐԴ
ՀՈՒՇԱՄՐՑԱՇԱՐԸ
05-09-2007 18:10:00 | Հայաստան | Սպորտ
ԵՐԵՎԱՆ, 5 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Սեպտեմբերի 5-ին
Երեւանում ավարտվեց Խորհրդային Միության սպորտի վաստակավոր վարպետ
եւ վաստակավոր մարզիչ, ՀՀ Ֆիզկուլտուրայի եւ սպորտի վաստակավոր
գործիչ Էդվարդ Արիստակեսյանի բռնցքամարտի միջազգային երկրորդ
հուշամրցաշարը: Ըստ քաշային կարգերի մրցաշարի հաղթողներ դարձան
Հովհաննես Դանիելյանը (48 կգ), Դերենիկ Գիժլարյանը (51 կգ),
Գաբրիել Տոլմաջյանը (54 կգ), Մյասնիկ Սարգսյանը (81 կգ), Արմեն
Օհանյանը (94 կգ, բոլորն էլ` Երեւան), Վլադիմիր Սարուխանյանը (57
կգ, Կրասնոդար), Հրաչյա Ջավախյանը (60 կգ), Սամվել Մաթեւոսյանը (69
կգ, երկուսն էլ` Վանաձոր), Անդրանիկ Հակոբյանը (75 կգ, Էջմիածին),
Լեւան Խվանիչավան (64 կգ) եւ Բեկա Լոբժանիձեն (գերծանրքաշային,
երկուսն էլ` Թբիլիսի):
Մրցաշարի կազմակերպիչները սահմանել էին նաեւ մի շարք
մրցանակներ: «Հաղթանակի անկոտրում կամքի համար» մրցանակը շնորհվեց
Սամվել Մաթեւոսյանին (Վանաձոր): Նրան նվերը հանձնեցին
Է.Արիստակեսյանի քույրը եւ որդին` Նորա եւ Ռուբեն
Արիստակեսյանները: