ՇՎԵՅՑԱՐԻԱՅՈՒՄ ԱՆՑ Է ԿԱՑՎՈՒՄ ՀԱՄԱԵՎՐՈՊԱԿԱՆ ԵՐՐՈՐԴ ԷԿՈՒՄԵՆԻԿ
ՀԱՄԱԳՈՒՄԱՐԻ ԵՐԻՏԱՍԱՐԴ ՆԵՐԿԱՅԱՑՈՒՑԻՉՆԵՐԻ ՀԱՎԱՔ
27-07-2007 18:50:00 | Հայաստան | Հասարակություն
Ս.ՄՈՐԻՍ, 27 ՀՈՒԼԻՍԻ, ՆՈՅՅԱՆ ՏԱՊԱՆ: Հուլիսի 27-30-ը
Շվեյցարիայի Ս.Մորիս քաղաքում տեղի կունենա սեպտեմբեր ամսին
Ռումինիայի Սիբիու քաղաքում նախատեսվող Համաեվրոպական Երրորդ
Էկումենիկ Համագումարի երիտասարդ ներկայացուցիչների հավաքը, որին
կմասնակցեն 35 ներկայացուցիչներ եվրոպական երկրներից: Ս.Էջմիածնից
ժողովին կմասնակցեն Մայր Աթոռի փոխդիվանապետ Մեսրոպ աբեղա
Պարսամյանը եւ Մայր Աթոռի Միջեկեղեցական հարաբերությունների բաժնի
աշխատակցուհի Գայանե Ալեքսանյանը:
Ինչպես «ՆՈՅՅԱՆ ՏԱՊԱՆ»-ին հայտնեցին Մայր Աթոռ Ս.Էջմիածնի
Տեղեկատվական համակարգից, Ժողովի ընթացքում նախատեսվում են
Համաեվրոպական Երրորդ Էկումենիկ Համագումարին երիտասարդների
մասնակցության ձեւաչափի եւ նրանց հուզող արդի խնդիրների վերաբերյալ
քննարկումներ եւ զեկուցումներ: