ՄՈՆԹԵ ՄԵԼՔՈՆՅԱՆԻ ԱՆՎԱՆ ՌԱԶՄԱՄԱՐԶԱԿԱՆ ՈՒՍՈՒՄՆԱՐԱՆԻ ԹԻՄԸ
4-ՐԴԸ ՃԱՆԱՉՎԵՑ ԱՊՀ ԵՐԿՐՆԵՐԻ ԵՐԻՏԿԱԶՄԱԿԵՐՊՈՒԹՅՈՒՆՆԵՐԻ
ՌԱԶՄԱՄԱՐԶԱԿԱՆ ՀԱՎԱՔՈՒՄ
12-07-2007 14:24:00 | Հայաստան | Սպորտ
ԵՐԵՎԱՆ, 12 ՀՈՒԼԻՍԻ, ՆՈՅՅԱՆ ՏԱՊԱՆ: Հունիսի 25-ից հուլիսի 6-ը
Ղրղզստանի Իսիկ Կուլ լճի առափնյա «Սպուտնիկ» հանգրվանում անցկացվեց
ռազմամարզական երիտասարդական կազմակերպությունների միջազգային
հավաք, որին մասնակցեցին ԱՊՀ 7 երկրների` Ռուսաստանի, Բելառուսի,
Ղազախստանի, Ղրղզստանի, Ուզբեկստանի, Տաջիկստանի եւ Հայաստանի
(Մոնթե Մելքոնյանի անվան Երեւանի ռազմամարզական ուսումնարանի)
թիմերը: Տանտերերը` ղազախները, եւ ռուսները ներկայացրել էին 2-ական
թիմ:
Մրցումներ անցկացվեցին 5 մրցաձեւերում` բուժօգնություն,
դանակի նետում, տեղանքի կողմնորոշում, ընդհանուր ֆիզիկական
պատրաստվածություն եւ հրաձգություն: Ընդհանուր թիմային հաշվարկով
լավագույն քառյակը դասավորվեց հետեւյալ հաջորդականությամբ.
Ղազախստան, Ղրղզստան, Ռուսաստան եւ Հայաստան: Տեղանքի կողմնորոշում
մրցաձեւում հաղթող ճանզչվեց Հայաստանի թիմը, որին հանձնվեց նաեւ
«Մարզասերների համակրանք» մրցանակը: