ՀՈՒՆԻՍԻ 12-18-Ը ՇՎԵՅՑԱՐԻԱՅՈՒՄ ՏԵՂԻ ԿՈՒՆԵՆԱ ԵՀԽ «ՀԱՎԱՏՔ ԵՎ
ԿԱՐԳ» ՄՇՏԱԿԱՆ ՀԱՆՁՆԱԽՄԲԻ ԺՈՂՈՎԸ
11-06-2007 18:45:00 | Հայաստան | Հասարակություն
ԷՋՄԻԱԾԻՆ, 11 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 12-18-ը
Շվեյցարիայում տեղի կունենա Եկեղեցիների Համաշխարհային Խորհրդի
«Հավատք եւ կարգ» մշտական հանձնախմբի հերթական ժողովը, որին
Գարեգին Բ Ամենայն հայոց կաթողիկոսի օրհնությամբ կմասնակցի
հանձնախմբում Հայաստանյայց առաքելական եկեղեցու ներկայացուցիչ`
Անգլիայի հայոց թեմի առաջնորդ Նաթան եպս. Հովհաննիսյանը:
Ինչպես «ՆՈՅՅԱՆ ՏԱՊԱՆ»-ին տեղեկացրեցին Մայր Աթոռ Ս.Էջմիածնի
Տեղեկատվական համակարգից, ժողովականները քննարկելու են
եկեղեցաբանությանը, մկրտության խորհրդին, քրիստոնեական
մարդաբանությանը, ավանդություններին վերաբերող հարցեր: Ժողովի
ընթացքում մասնակիցները կանդրադառնան նաեւ հանձնախմբի ընթացիկ
գործունեությանը եւ ապագա ծրագրերին: