ՀՀ ԱՆ քրեակատարողական վարչության նախաձեռնությամբ հուլիսի 5-ին Հայաստանի Հանրապետության Սահմանադրության տոնի առթիվ «Կոշ» քրեակատարողական հիմնարկում տեղի ունեցավ միջոցառում: Ելույթ ունեցավ Ջիվանի աշուղական դպրոցի «Հավասու» անվան երիտասարդական համույթը` ՀՀ վաստակավոր արտիստ Թովմաս Պողոսյանի գլխավորությամբ:
Միջոցառման սկզբում բացման ու ողջույնի խոսքերով հանդես եկան ՀՀ ԱՆ «Կոշ» քրեակատարողական հիմնարկի պետի տեղակալ Սամվել Գուրջանյանը եւ ՀՀ վաստակավոր արտիստ Թովմաս Պողոսյանը:
Միջոցառման ընթացքում համույթը հանդես եկավ մի շարք ստեղծագործություններով:
Համերգի ավարտին դատապարտյալները նվիրեցին իրենց ձեռքով պատրաստած ստեղծագործական աշխատանքները:
Ինչպես տեղեկացնում են ՀՀ ԱՆ քրեակատարողական վարչության հանրային կապերի բաժնից, նմանատիպ մշակութային միջոցառումները նախադեպային չեն եւ պարբերական բնույթ են կրելու: