ԱՄԵՆԱՅՆ ՀԱՅՈՑ ԿԱԹՈՂԻԿՈՍԸ ՇՆՈՐՀԱՎՈՐԵԼ Է ՄՈՍԿՎԱՅԻ ԵՎ ՀԱՄԱՅՆ
ՌՈՒՍԻՈ ՊԱՏՐԻԱՐՔԻՆ
21-05-2007 22:10:00 | Հայաստան | Հասարակություն
ԷՋՄԻԱԾԻՆ, 21 ՄԱՅԻՍԻ, ՆՈՅՅԱՆ ՏԱՊԱՆ: Ն.Ս.Օ.Տ.Տ. Գարեգին Բ
Ամենայն հայոց կաթողիկոսը շնորհավորական գիր է հղել Նորին
Սրբություն Ալեքսի Բ Մոսկվայի եւ Համայն Ռուսիո պատրիարքին Ռուս
ուղղափառ եկեղեցու միության վերահաստատման եւ մայիսի 17-ին
Մոսկվայի Ամենափրկիչ մայր տաճարում Մոսկվայի պատրիարքության եւ
Արտասահմանի ռուս եկեղեցու միջեւ միավորման հռչակագրի ստորագրման
առիթով: Այս մասին «ՆՈՅՅԱՆ ՏԱՊԱՆ»-ին հայտնեցին Մայր Աթոռ Սբ.
Էջմիածնի Տեղեկատվական համակարգից:
«Այս իրադարձությունը կարեւոր նշանակություն ունի ինչպես Ռուս
ուղղափառ եկեղեցու, այնպես էլ Քրիստոսի ողջ եկեղեցու համար:
Եկեղեցական այս միությունը հիրավի արտահայտությունն է մեր
եղբայրական ռուս ժողովրդի միասնականության, նրա կամքի եւ ձգտումների
գիտակից համախմբմանՆ ի բարօրություն Ռուս ուղղափառ եկեղեցու եւ
հայրենիքի»,- ասված է հայրապետական ուղերձում: