ՄԱՅԻՍԻ 9-ԻՆ ՀԱՅԱՍՏԱՆԻ ՖՈՒՏԲՈԼԻ ԳԱՎԱԹԻ ԽԱՂԱՐԿՈՒԹՅԱՆ
ԵԶՐԱՓԱԿԻՉՈՒՄ ԿՀԱՆԴԻՊԵՆ «ԲԱՆԱՆՑՆ» ՈՒ «ԱՐԱՐԱՏԸ»
08-05-2007 17:30:00 | Հայաստան | Սպորտ
ԵՐԵՎԱՆ, 8 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 9-ին Հանրապետական
մարզադաշտում տեղի կունենա Հայաստանի ֆուտբոլի գավաթի 2007թ.-ի
խաղարկության եզրափակիչ հանդիպումը: Մրցակից թիմերը` «Բանանցն» ու
«Արարատը», 1-ին անգամն են իրար հետ վիճարկելու պատվավոր ավարը:
«Արարատը» 6-րդ անգամն է դուրս եկել եզրափակիչ, իսկ
«Բանանցը»` 4-րդ: «Բանանցը» Հայաստանի 1-ին գավաթակիրն է (1992թ.):
2003թ.-ին «Բանանցը» եզրափակիչում 0:1 հաշվով զիջել է «Միկային»,
իսկ 2004-ին` «Փյունիկին» (11 մետրանոց տուգանային հարվածներով):
«Արարատը» 5 եզրափակիչներից հաղթել է 4-ում (1993թ., 1994թ.,
1995թ. եւ 1997թ.): 2001թ.-ին թիմը զիջել է «Միկային»` 11
մետրանոցների հարվածաշարով: