Հայ լրագրող Արթուր Ղուկասյանին շնորհվել է մամլո միջազգային
ակումբի մրցանակը


03-12-2009 18:30:00   | Ֆրանսիա  |  Մշակույթ
ՄԱԴՐԻԴ, 3 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Մամլո միջազգային ակումբը եւ «Վեգա Պրեսս» գործակալությունը մրցանակներ են հանձնել հայտնի լրագրողներին ու լրատվամիջոցներին: Ինչպես հաղորդում է «Մարմարան», «Արտասահմանյան մամուլ» անվանակարգում մրցանակի է արժանացել Իսպանիայում բնակվող հայ լրագրող Արթուր Ղուկասյանը, որը հայտնի է ոչ միայն իսպանական մամուլում հայկական թեմաների շուրջ իր հրապարակումներով, այլ նաեւ «Վեգա Մեդիա Պրեսսի» համացանցային կայքէջի հայկական բաժնի խմբագիրն է: Հեղինակավոր հանձնաժողովը շնորհելով մրցանակը, շեշտել է, որ Արթուր Ղուկասյանը պարգեւատրվել է լրատվական բացառիկ աշխատանքի համար, որով մոտեցրել է հայկական եւ իսպանական մշակոյթները: Մրցանակի առթիվ հայ լրագրողին շնորհավորական խոսք է ուղղել նաեւ իսպանացի հայտնի գրող եւ հասարակական գործիչ Խոսե Անտոնիո Կուռիարան:
 

Նոյյան տապան   -   Մշակույթ
Լուրեր Հայաստանից եւ Սփյուռքից

Կարդացել են 812 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար