ՍԱՆՏԱ ԴՈՄԻՆԳՈ, 4 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Դոմինիկյան հանրապետության Սանտա Դոմինգո քաղաքում անցկացվող ծանրամարտի աշխարհի առաջնությունում հոկտեմբերի 3-ին մրցահարթակ ելան 77 կգ քաշայինները: Գյումրեցի Արա Խաչատրյանը պոկեց 165 կգ, հրեց 192 կգ (փոքր բրոնզե մեդալ) եւ երկամարտի 357 կգ արդյունքով գրավեց 3-րդ տեղը` պարգեւատրվելով բրոնզե մեծ մեդալով: Հոկտեմբերի 4-ին Հայաստանի մարզիկներից մրցահարթակ դուրս կգան Տիգրան Մարտիրոսյանը (85 կգ) եւ Մելինե Դալուզյանը (63 կգ):

---