ՄԻՆՍԿԻ ԽՄԲԻ ՀԱՄԱՆԱԽԱԳԱՀՆԵՐԸ ԲԱՆԱԿՑՈՒԹՅՈՒՆՆԵՐ ԵՆ ՎԱՐԵԼ
ԱԴՐԲԵՋԱՆԻ ԱԳՆ-ՈՒՄ
02-10-2006 15:15:00 | Ադրբեջան | Միջազգային
ԲԱՔՈՒ, 2 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: ԵԱՀԿ Մինսկի խմբի
համանախագահները այսօր Ադրբեջանի ԱԳՆ ղեկավար Է.Մամեդյարովի եւ նրա
տեղակալ Ա.Ազիմովի հետ քննարկել են «մոտ ապագայում կողմերի միջեւ
ուղիղ շփումները վերականգնելու» հնարավորությունը:
Այս մասին երկուշաբթի լրագրողներին Ադրբեջանի ԱԳՆ ղեկավարի
հետ բանակցությունների արդյունքների առնչությամբ հայտնել է ռուս
համանախագահ Յուրի Մերզլյակովը:
Նա նշել է, որ բանակցային գործընթացում լրացուցիչ տարրեր կան,
որոնք կարելի է համարել նոր:
«Մենք զգացինք այժմ շատ կառուցողական տրամադրություն»,- ասել
է ամերիկացի համանախագահ Մեթյու Բրայզան` արժեւորելով
Է.Մամեդյարովի հետ բանակցությունները,- հաղորդում է «Դեյ.ազը»: