ՖԻՆԱՆՍԱԿԱՆ ՍԿԱՆԴԱԼԻ ՊԱՏՃԱՌՈՎ ԵՏ Է ԿԱՆՉՎԵԼ ԻՐԱՔՈՒՄ
ԱԴՐԲԵՋԱՆԱԿԱՆ ԶՈՐԱԿԱԶՄԻ ՀՐԱՄԱՆԱՏԱՐԸ
19-09-2006 17:35:00 | Ադրբեջան | Միջազգային
ԲԱՔՈՒ, 19 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Մինչեւ սահմանված
ժամկետը լրանալը ետ է կանչվել Իրաքում ադրբեջանական զորակազմի
հրամանատարը, նրա փոխարեն նշանակվել է այլ մարդ:
Ինչպես ԱՊԱ-ին հայտնել են զինվորական աղբյուրները, նրա ետ
կանչելը կապված է խաղաղապահ վաշտում բացահայտված ֆինանսական
խախտումների հետ:
Ինչպես հայտարարել է Ադրբեջանի պաշտպանության նախարարության
մամլո ծառայության ղեկավար գնդապետ Ռամիզ Մելիքովը, Իրաքում գտնվող
խաղաղապահ վաշտում բացահայտված ֆինանսական խախտումների առնչությամբ
կատարվում է ծառայողական հետաքննություն: Չբացահայտելով
մանրամասները, Ռ.Մելիքովը նշել է, որ այդ հարցով զուգահեռ
հետաքննություն է իրականացնում եւ Հանրապետական զինվորական
դատախազությունը:
Նշենք, որ խաղաղապահ վաշտում ծառայող զինվորները ստանում են
ավելի քան 700 ԱՄն դոլար: