ԲՐՅՈՒՍԵԼ, 18 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Եվրոպական միությունը չի ճանաչում հանրաքվեի արդյունքները, որ սեպտեմբերի 17-ին անցկացվել է Մերձդնեստրում: Ավելի վաղ ԵՄ եւ ԵԱՀԿ ներկայացուցիչները բազմիցս հայտարարել են, որ հանրաքվեի անցկացումը Մերձդնեստրում աննպատակահարմար են համարում: ԵԱՀԿ նախագահ Կարել դե Գուխտը հայտարարել է, որ մերձդնեստրյան հանրաքվեն «էլ ավելի կբարդացնի տարածաշրջանի իրադրությունը»,- հաղորդում է «Ինտերֆաքսը»` վկայակոչելով Եվրահանձնաժողովի պաշտոնական ներկայացուցիչ Պիետրո Պետրուչչիի հայտարարությունը:

---