116 ՏԱՐԵԿԱՆ ՀԱՍԱԿՈՒՄ ՄԱՀԱՑԵԼ Է ԱՇԽԱՐՀԻ ԱՄԵՆԱԾԵՐ ԿԻՆԸ
28-08-2006 19:45:00 | Էկվադոր | Միջազգային
ԿԻՏՈ, 28 ՕԳՈՍՏՈՍԻ, ՆՈՅՅԱՆ ՏԱՊԱՆ: Էկվադորում 116 տարեկան
հասակում վախճանվել է Մարիա Էսթեր դե Կապովիլյան: Նա պաշտոնապես
գրանցված է Գինեսի գրքում որպես աշխարհի ամենածեր մարդը:
Ինչպես տեղեկացնում է «Ազատություն»-ը, Կապովիլյան ծնվել է
1889 թվականի սեպտեմբերի 14-ին, ամուսնացել է 1917 թվականին:
Գինեսի գրքի ներկայացուցիչները գտնում են, որ այժմ աշխարհի
ամենածեր մարդու տիտղոսը պատկանում է Էլիզաբեթ Բոլդենին, որն
ապրում է ԱՄՆ-ի Մեմֆիս քաղաքում: Նա նույնպես 116 տարեկան է, բայց
Կապովիլյայից 11 ամիս ուշ է ծնվել: