ԵՐԵՎԱՆ, 30 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 29-ին եւ 30-ին
անցկացվեցին ֆուտբոլի Հայաստանի առաջնության բարձրագույն խմբի
մրցաշարի հերթական տուրի հանդիպումները: Գյումրիի «Շիրակը» 2:0
հաշվով հաղթեց Երեւանի «Լեռնագործ-Արարատ»-ին, Երեւանի
«Էսթեղլալ-Կոտայքը» 4:1 հաշվով` Երեւանի «Լեռնային Արցախ»-ին, իսկ
Երեւանի «Կիլիկիա» եւ «Դինամո-Զենիթ» թիմերի հանդիպումն ավարտվեց
0:0 հաշվով: Նախատեսված «Միկա» (Աշտարակ) - «Բանանց» (Երեւան)
հանդիպումը հետաձգվեց եւ կկայանա ավելի ուշ:
Առաջնությունը գլխավորում է երկրի չեմպիոն «Փյունիկը»
(Երեւան), որն այս տուրում ազատ էր: Նա 6 խաղից հետո 16 միավոր է
հավաքեել: 13-ական միավորով 2-րդ եւ 3-րդ տեղերում են «Բանանցը» եւ
«Միկան»: