ՀՖՖ-Ի ՆԱԽԱԳԱՀԸ ԿՄԱՍՆԱԿՑԻ ՈՒԵՖԱ-Ի 19-ՐԴ ԿՈՆԳՐԵՍԻ
ԱՇԽԱՏԱՆՔՆԵՐԻՆ
19-04-2005 19:54:00 | Հայաստան | Սպորտ
ԵՐԵՎԱՆ, 19 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 20-ին ՈՒԵՖԱ-ի 19-րդ
կոնգրեսին մասնակցելու նպատակով Էստոնիայի մայրաքաղաք Տալին
կմեկնեն ՀՖՖ նախագահ Ռուբեն Հայրապետյանը եւ ՀՖՖ գործադիր տնօրեն
Արմեն Մինասյանը: Այս մասին «ՆՈՅՅԱՆ ՏԱՊԱՆ»-ին հայտնեցին Հայաստանի
ֆուտբոլի ֆեդերացիայի Մամուլի քարտուղարությունից:
Կոնգրեսի օրակարգում ընդգրկված են ՈՒԵՖԱ-ի գործադիր կոմիտեի
նախագահի հաշվետվությունը, 2003-2004թթ.-ի ֆինանսական
հաշվետվությունը, 2005-2006թթ.-ի բյուջեի հաստատումը, ՈՒԵՖԱ-ի
կանոնակարգային մի շարք հոդվածների փոփոխությունները եւ այլն: