«ԾԱՂԿԱՁՈՐԻ ԳԱՎԱԹԻ» ԽԱՂԱՐԿՈՒԹՅԱՆ ԱՌԱՋԻՆ ՓՈՒԼՈՒՄ ՀԱՂԹԵՑԻՆ
ՌՈՒՍ ԴԱՀՈՒԿՈՐԴՆԵՐԸ
03-02-2005 18:42:00 | Հայաստան | Սպորտ
ԾԱՂԿԱՁՈՐ, 3 ՓԵՏՐՎԱՐԻ, ՆՈՅՅԱՆ ՏԱՊԱՆ: Ծաղկաձորի մարզաբազայում
փետրվարի 2-ին անցկացվեցին դահուկային սպորտի մրցումների`
«Ծաղկաձորի գավաթի» խաղարկության, առաջին վազքահերթերը:
Այս մրցումները, որոնք Ծաղկաձորում առաջիկա խոշոր մրցաշարերին
նախապատրաստվող Ռուսաստանի հավաքականի համար ընտրական բնույթ են
կրում, անցկացվում են 3 փուլով: 1-ին փուլում տղամարդիկ մրցեցին
ազատ ոճով 15 կմ, իսկ կանայք` 10 կմ մրցատարածություններում: Սուր
պայքարում հաղթեցին Ռուսաստանի հավաքականի անդամներ Նիկոլայ
Բոլշակովը եւ Եվգենիա Մեդվեդեւան:
Ուժեղ մրցակիցների հետ մեկնարկի ելան նաեւ Հայաստանի
հավաքականի անդամները: Հովհաննես Սարգսյանն ու Էդմոն Խաչատրյանը
տղամարդկանց, իսկ Մերի Հակոբյանն ու Աիդա Սարիբեկյանը կանանց
պայքարում եզրագիծը վերջինը հատեցին: