«ԵՐԵՎԱՆԻ ՊԵՏԱԿԱՆ ԿՐԿԵՍ» ԵՎ «ՄՇԱԿՈՒԹԱՅԻՆ ԿԵՆՏՐՈՆ» ՊՈԱԿ-ՆԵՐԸ
ԼՈՒԾԱՐՎԵԼ ԵՆ
15-12-2005 18:10:00 | Հայաստան | Մշակույթ
ԵՐԵՎԱՆ, 15 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի 15-ի
որոշումներով, «Պետական ոչ առեւտրային կազմակերպությունների մասին»
ՀՀ օրենքին համապատասխան, ՀՀ կառավարությունը որոշել է լուծարել
«Երեւանի պետական կրկես» եւ «Մշակութային կենտրոն» պետական ոչ
առեւտրային կազմակերպությունները: Ինչպես «ՆՈՅՅԱՆ ՏԱՊԱՆ»-ին
հայտնում են կառավարության տեղեկատվության եւ հասարակայնության հետ
կապերի վարչությունից, որոշումների ընդունումը պայմանավորված է ՀՀ
կառավարության 2005թ. ապրիլի 21-ի N761-Ա որոշմամբ «Պետական կրկես»
ՊՈԱԿ-ին ամրացված գույքը մրցույթով օտարմամբ եւ ՀՀ կառավարության
2005թ. օգոստոսի 25-ի N 1321-Ն որոշմամբ «Մշակութային կենտրոն»
ՊՈԱԿ-ին ամրացված եւ նրա սեփականությունը հանդիսացող գույքը
ուղղակի վաճառքի ձեւով օտարմամբ: