ԵՐԵՎԱՆՈՒՄ ԲԱՑՎԵՑ ՃԱՐՏԱՐԱՊԵՏ ԵՎ ԳԵՂԱՆԿԱՐԻՉ ՌԱԶՄԻԿ ՕՀԱՆՅԱՆԻ
ԱՆՀԱՏԱԿԱՆ ՑՈՒՑԱՀԱՆԴԵՍԸ
24-11-2005 18:50:00 | Հայաստան | Մշակույթ
ԵՐԵՎԱՆ, 24 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Գեղանկարիչ Ռազմիկ
Օհանյանի 100-ից ավելի գեղանկարչական եւ գրաֆիկական աշխատանքների
ցուցահանդեսը բացվեց նոյեմբերի 24-ին Ճարտարապետության ազգային
թանգարան-ինստիտուտում:
Ինչպես նշեց Հայաստանի Ճարտարապետների միության նախագահ
Մկրտիչ Մինասյանը, Ռազմիկ Օհանյանն այն հազվագյուտ արվեստագետներից
է, որ նույն վարպետությամբ ու նվիրվածությամբ ստեղծագործել է
գեղանկարի եւ գծանկարի ժանրերում` իր գործերում ներդաշնակեցնելով
խորաթափանց միտքն ու վառ երեւակայությունը:
Հեղինակի ստեղծագործություններում առանձնահատուկ ուշադրության
են արժանի հին Երեւանի մասին պատմող նկարները: «Այդ նկարներն արվել
են այն ժամանակ, երբ արդեն ընթանում էր մայրաքաղաքի տարածքների
իրացման գործընթացը: Դրանք արվել են, որպեսզի հետագա սերուդներն
այս նկարներով եւս պատկերացում կազմեն Երեւանի մասին»,- նշեց Ռ.
Օհանյանը:
ՀՀ քաղաքաշինության նախարարության ճարտարապետության բաժնի պետ
Ռազմիկ Օհանյանը բազմաթիվ հասարակական, բնակելի շենքերի եւ
ճարտարապետական փոքր ձեւերի նախագծերի հեղինակ է: Նրա շատ
աշխատանքներ գտնվում են Հայաստանի, Ռուսաստանի, Գերմանիայի,
Ֆրանսիայի եւ ԱՄՆ-ի մասնավոր հավաքածուներում: