Չինաստանի գերմրցաշարում Լեւոն Արոնյանը 6 հնարավորից
վաստակել է 3 միավոր
17-12-2008 17:30:00 | Հայաստան | Սպորտ
ԵՐԵՎԱՆ, 17 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի 17-ին
Չինաստանի Նան Ցզին քաղաքում շախմատի միջազգային գերմրցաշարում
անցկացվեցին 2-րդ շրջանի 1-ին փուլի պարտիաները: Լեւոն Արոնյանը
(Հայաստան) պարտվեց Վեսելին Թոփալովին (Բուլղարիա), Սերգեյ
Մովսիսյանը (Սլովակիա)` Բու Քսիանջիին (Չինաստան), իսկ Պյոտր
Սվիդլեր (Ռուսաստան)-Վասիլի Իվանչուկ (Ուկրաինա) հանդիպումը խաղաղ
ելք ունեցավ:
6 փուլից հետո 4-ական միավորով մրցաշարային աղյուսակը
գլխավորում են Քսիանջին եւ Թոփալովը: Արոնյանն ունի 3, Իվանչուկն
ու Մովսիսյանը` 2,5-ական, Սվիդլերը` 2 միավոր:
Դեկտեմբերի 18-իւն նշանակված 7-րդ փուլում Արոնյանը կմրցի
Իվանչուկի հետ: