Շախմատի միջազգային գերմրցաշարում առաջին շրջանից հետո Լեւոն
Արոնյանը առաջատար խմբում է
15-12-2008 17:30:00 | Հայաստան | Սպորտ
ԵՐԵՎԱՆ, 15 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի 15-ին
Չինաստանի Նանցզին քաղաքում անցկացվող շախմատի միջազգային
գերմրցաշարում ավարտվեցին առաջին շրջանի հանդիպումները: Հինգերորդ
փուլում Լեւոն Արոնյան (Հայաստան) - Բու Քսիանջի (Չինաստան),
Վասիլի Իվանչուկ (Ուկրաինա) - Սերգեյ Մովսիսյան (Սլովակիա)
պարտիաները խաղաղ ելք ունեցան: Վեսելին Թոփալովը (Բուլղարիա)
հաղթեց Պյոտր Սվիդլերին (Ռուսաստան):
Առաջին շրջանից հետո 5 հնարավորից 3-ական միավոր են վաստակել
եւ առաջատար խումբ են կազմում Լ.Արոնյանը, Բ.Քսիանջին եւ
Վ.Թոփալովը, Վ.Մովսիսյանն ունի 2,5, Պ.Սվիդլերը` 2, իսկ
Վ.Իվանչուկը` 1,5 միավոր:
Դեկտեմբերի 16-ին մրցաշարում հանգստի օր է հայտարաված:
Դեկտեմբերի 17-ին, 2-րդ փուլի առաջին խաղում, Լ.Արոնյանը կմրցի
Վ.Թոփալովի հետ: