ՇԱԽՄԱՏԻ ՀԱՄԱՇԽԱՐՀԱՅԻՆ ՕԼԻՄՊԻԱԴԱՅՈՒՄ ՀԱՅԱՍՏԱՆԻ ՏՂԱՄԱՐԴԿԱՆՑ
ՀԱՎԱՔԱԿԱՆԸ ԲԱԺԱՆՈՒՄ Է 3-9-ՐԴ, ԻՍԿ ԿԱՆԱՆՑԸ` 7-28-ՐԴ ՏԵՂԵՐԸ
17-11-2008 19:44:00 | Գերմանիա | Սպորտ
ԴՐԵԶԴԵՆ, 17 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Գերմանիայի Դրեզդեն
քաղաքում անցկացվող շախմատի համաշխարհային 38-րդ օլիմպիադայում
խաղացվել է 4 փուլ:
Հայաստանի տղամարդկանց հավաքականը տոնել է 3 հաղթանակ, 1
հանդիպում ավարտել է ոչ-ոքի եւ 7 միավորով բաժանում է
3-9-րդ տեղերը: 8-ական միավորով առաջատարներն են Գերմանիայի առաջին
հավաքականը եւ Ռուսաստանի թիմը: Նոյեմբերի 17-ին
Հայաստանի տղամարդկանց հավաքականի մրցակիցները հոլանդացիներն են:
Կանանց մրցաշարում 8-ական միավորով առաջատարներն են Չինաստանի
եւ Լեհաստանի պատվիրակները: Հայաստանի շախմատիստուհիներն իրենց
հաշվին գրանցել են 3 հաղթանակ, 1 պարտություն եւ 6 միավորով
բաժանում են 7-28-րդ տեղերը: 5-րդ փուլում Հայաստանի հավաքականի
մրցակիցները ֆրանսուհիներն են: