ԼԻՎԵՐՊՈՒԼ, 17 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Նոյեմբերի 15-ին Անգլիայի Լիվերպուլ քաղաքում ավարտվեց Եվրոպայի բռնցքամարտի առաջնությունը: Հայաստանի մարզիկներից Հովհաննես Դանիելյանը (48 կգ, Երեւան) եւ Էդվարդ Համբարձումյանը (64 կգ, Երեւան) հաղթեցին իրենց բոլոր մրցակիցներին, գրավեցին առաջին տեղը եւ նվաճեցին Եվրոպայի չեմպիոնի կոչումը: Ցոլակ Անանիկյանը (91 կգ, Առինջ) բավարարվեց 2-րդ տեղով ու պարգեւատրվեց արծաթե մեդալով: Նման հաջողության Հայաստանի հավաքականը հասել էր 1985 թվականին: Այն ժամանակ Բուդապեշտում Սամսոն Խաչատրյանը (Վանաձոր) եւ Իսրայել Հակոբկոխյանը (Երեւան) հայրենիք վերադարձան չեմպիոնի կոչումով, իսկ Բաբկեն Սահրադյանը (Վանաձոր)` արծաթե պարգեւով:

---