ԼԻՎԵՐՊՈՒԼ, 13 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Անգլիայի Լիվերպուլ քաղաքում շարունակվում է բռնցքամարտի Եվրոպայի առաջնությունը: Նոյեմբերի 12-ին տեղի ունեցան քառորդ եզրափակիչի մենամարտերը: Հայաստանի ներկայացուցիչներ Էդվարդ Համբարձումյանը (64 կգ, Երեւան) 11:4 հաշվով հաղթեց Վյաչեսլավ Կերբերին (Գերմանիա), իսկ Ցոլակ Անանիկյանը (91 կգ, Երեւան)` 8:7 հաշվով Դենիս Պոյսյուկային (Ուկրաինա): Նրանք անցան կիսաեզրափակիչ փուլ` իրենց համար ապահովելով առնվազն բրոնզե մեդալ: Նախօրեին, ինչպես արդեն հայտնել ենք, կիսաեզրափակիչ էր անցել նաեւ Հովհաննես Դանիելյանը (48 կգ, Երեւան):

---