2008 Թ.-Ի ՀՈՒՆՎԱՐ-ՍԵՊՏԵՄԲԵՐԻՆ ՆԱԽՈՐԴ ՏԱՐՎԱ ՆՈՒՅՆ
ԺԱՄԱՆԱԿԱՀԱՏՎԱԾԻ ՀԱՄԵՄԱՏ ՇԻՆԱՐԱՐՈՒԹՅԱՆ ԾԱՎԱԼԸ ՀԱՅԱՍՏԱՆՈՒՄ
12,1%-ՈՎ ԱՃԵԼ Է
03-11-2008 21:26:00 | Հայաստան | Տնտեսություն
ԵՐԵՎԱՆ, 3 ՆՈՅԵՄԲԵՐԻ, ՆՈՅՅԱՆ ՏԱՊԱՆ: 2008թ.-ի
հունվար-սեպտեմբերին Հայաստանում իրականացվել է 604 մլրդ 295,4 մլն
դրամի (մոտ 1 մլրդ 976 մլն ԱՄՆ դոլար) շինարարություն, այդ
ծավալում շինմոնտաժային աշխատանքները կազմել են 545 մլրդ 744 մլն
դրամ: 2007թ.-ի հունվար-սեպտեմբերի համեմատ շինարարության ծավալը,
համադրելի գներով, աճել է 12,1%-ով, իսկ շինմոնտաժային
աշխատանքներինը` 17,1%-ով:
ՀՀ Ազգային վիճակագրական ծառայության տվյալներով,
շինարարության 7,2%-ն իրականացվել է պետբյուջեի, 0,1%-ը`
համայնքների միջոցների, 0,6%-ը` Համաշխարհային բանկի վարկային,
1,7%-ը` մարդասիրական օգնության, 17%-ը մասնավոր
կազմակերպությունների, 73,4%-ը` բնակչության միջոցների հաշվին: