ՀԱՅԱՍՏԱՆԻ ԸՄԲԻՇՆԵՐԸ ՀԻԱՆԱԼԻ ՀԱՆԴԵՍ ԵԿԱՆ ԵՎՐՈՊԱՅԻ
ԱՌԱՋՆՈՒԹՅՈՒՆՈՒՄ
02-08-2004 20:45:00 | Հայաստան | Սպորտ
ԵՐԵՎԱՆ, 2 ՕԳՈՍՏՈՍԻ, ՆՈՅՅԱՆ ՏԱՊԱՆ: Հունահռոմեական ոճի
ըմբշամարտի Եվրոպայի պատանեկան առաջնությունում հիանալի հանդես
եկան Հայաստանի ներկայացուցիչները: Բուլղարիայի Վառնա քաղաքում
անցկացված մրցաշարում հայ ըմբիշները նվաճեցին 1 ոսկե, 3 արծաթե եւ
1 բրոնզե մեդալներ:
Հատկապես աչքի ընկավ 69 կգ քաշային Արսեն Ջուլֆալակյանը:
Հանրահայտ ըմբիշ, օլիմպիական չեմպիոն Լեւոն Ջուլֆալակյանի որդին
հաղթեց իր բոլոր մրցակիցներին, գրավեց 1-ին տեղն ու արժանացավ
Եվրոպայի չեմպիոնի ոսկե մեդալին: Աշխարհամասի առաջնության 2-րդ
մրցանակակիրներ դարձան Վահրամ Խաչատրյանը (46 կգ), Արմեն Մելիքյանը
(58 կգ) եւ Պարգեւ Խաչատրյանը (63 կգ), որոնք պարգեւատրվեցին
արծաթե մեդալներով: 3-րդ տեղը գրավեց եւ բրոնզե մեդալի արժանացավ
Ռոբերտ Կիրակոսյանը (50 կգ):