ՇԱԽՄԱՏԻ ԵՎՐՈՊԱՅԻ ԱՌԱՋՆՈՒԹՅԱՆ 10 ՄՐՑԱՓՈՒԼԻՑ ՀԵՏՈ ԼԵՎՈՆ
ԱՐՈՆՅԱՆԸ 7 ՄԻԱՎՈՐՈՎ 3-ՐԴ ՏԵՂՈՒՄ Է
26-05-2004 16:38:00 | Հայաստան | Սպորտ
ԵՐԵՎԱՆ, 26 ՄԱՅԻՍԻ, ՆՈՅՅԱՆ ՏԱՊԱՆ: Շախմատի Եվրոպայի
տղամարդկանց 5-րդ առաջնությունում, որն անցկացվում է Թուրքիայի
Անթալիա քաղաքում, 10 մրցափուլ է խաղացվել:
Հայաստանի 7 ներկայացուցիչներից առավել հաջող է հանդես գալիս
Լեւոն Արոյանը: Նա վաստակել է 7 միավոր եւ բաժանում է 3-րդ տեղը`
ընդամենը կես միավորով ետ մնալով առաջատարից` չեխ Դավիդ Նավարայից:
Հայաստանցի մյուս շախմատիստների արդյունքներն այսպիսին են.
Կարեն Ասրյան` 6,5, Գաբրիել Սարգսյան` 6, Աշոտ Անաստասյան, Տիգրան
Լ. Պետրոսյան` 5,5-ական, Արման Փաշիկյան` 5, Արտաշես Մինասյան` 4,5
միավոր:
Մեկօրյա հանգստից հետո առաջնության մասնակիցները կանցկացնեն
վերջին չորս մրցափուլերի հանդիպումները: Եվրոպայի չեմպիոնն ու
աշխարհի հաջորդ առաջնության 12 ուղեգրերի տերերը հայտնի կդառնան
մայիսի 30-ին: