Ապրիլի 2-ին, ժամը 14:00-16:00-ը Անի Պլազա հյուրանոցում «ԺԱՌԱՆԳՈՒԹՅՈՒՆ» կուսակցությունը կազմակերպում է համաժողով։
Թեման՝ «Թուրքիայի Հանրապետության կողմից հայրենի բնօրրանի՝ Հայաստանի տարածքների բռնազավթումը (օկուպացիան) և հայ ժողովրդի Մեծ հայրենազրկումը դատապարտելու մասին»
Հարգելի հայրենակից,
«Ժառանգություն» կուսակցությունը և ՀՀ ԱԺ համանուն խմբակցությունը հրավիրում են Ձեզ մասնակցելու hամաժողովի, որը նվիրված է Հայոց ցեղասպանության և Մեծ հայրենազրկման հետևանքների վերացման (տարածքային, նյութական, բարոյական վնասների հատուցման) հարցերի հանրային քննարկմանը: Քննարկումը տեղի կունենա ապրիլի 2-ին, ժամը 14:00-16:00, Անի պլազա հյուրանոցի «Անի» սրահում:
Բանախոսները կանդրադառնան ԱԺ «Ժառանգություն» խմբակցության պատգամավոր Զարուհի Փոստանջյանի հեղինակած՝ «Թուրքիայի Հանրապետության կողմից հայրենի բնօրրանի՝ Հայաստանի տարածքների բռնազավթումը (օկուպացիան) և հայերի Մեծ հայրենազրկումը դատապարտելու մասին» Հայաստանի Հանրապետության օրենքի նախագծին, Թուրքիայի Հանրապետության կողմից բռնազավթված հայկական տարածքներում Հայոց պետականության վերականգնման, ինչպես նաեւ Մեծ եղեռնի և Հայրենազրկման հետևանքների վերացման խնդիրներին:
Համաժողովին հրավիրված են ԱԺ պատգամավորներ, ՀՀ կառավարության անդամներ, փորձագետներ, Հայաստանում գործող տարբեր երկրների դեսպանատների և միջազգային կառույցների, քաղաքական կուսակցությունների, հասարակական կազմակերպությունների ու քաղաքացիական նախաձեռնությունների ներկայացուցիչներ:
Կից ներկայացվում է քննարկման օրակարգը:
Օրակարգ
13:45-14:00 Մասնակիցների գրանցում
14:00-14:10 Բացման խոսք՝
Րաֆֆի Հովհաննիսյան - «Ժառանգություն» կուսակցության վարչության նախագահ, Ռազմավարական և ազգային հետազոտությունների հայկական կենտրոնի (ՌԱՀՀԿ) հիմնադիր
14:10-15:20 Զեկուցումներ՝
Զարուհի Փոստանջյան – ԱԺ «Ժառանգություն» խմբակցության պատգամավոր
Հրանուշ Խառատյան – ազգագրագետ, պատմական գիտությունների թեկնածու
Արա Պապյան - «Մոդուս վիվենդի» կենտրոնի հիմնադիր
Արտակ Զաքարյան - Աժ արտաքին հարաբերությունների մշտական հանձնաժողովի նախագահ
Կարեն Անդրեասյան - ՀՀ մարդու իրավունքների պաշտպան
Ռուբեն Մելքոնյան - ԵՊՀ Արևելագիտության ֆակուլտետի փոխդեկան, բանասիրական գիտությունների թեկնածու, թուրքագետ
Դավիթ Դավթյան – վերլուծաբան, «ԱՌԱԿ 29» Բարեգործական հիմնադրամ
15:20-15:50 Քննարկում
15:50-16:00 Եզրափակիչ ելույթներ
ENGLISH 
Հայերեն
Русский
Դաս. հայերեն
French