ԱՄՆ ՄԶԳ «Ֆինանսներ տնտեսական զարգացման համար» ծրագիրը Համաշխարհային բանկի, ՀՀ Արդարադատության նախարարության, ՀՀ Կենտրոնական բանկի, ՀՀ Բանկերի և Վարկային կազմակերպությունների միությունների հետ համատեղ ս.թ. ապրիլի 3-ին  կազմակերպում է «Ապահովված գործարքների համակարգի ներդրումը Հայաստանի Հանրապետությունում» խորագրով hամաժողով, որի նպատակն է շահագրգիռ կառույցներին հրավիրել երկխոսության և տրամադրել անհրաժեշտ տեղեկատվություն Հայաստանում ապահովված գործարքների համակարգի ներդրման առանձնահատկությունների վերաբերյալ:  

 

 

 

Համաժողովին կմասնակցեն ներկայացուցիչներ ԱՄՆ ՄԶԳ և Համաշխարհային բանկի հայաստանյան առաքելություններից, միջազգային ֆինանսական կազմակերպություններից, ՀՀ Կենտրոնական բանկից, ՀՀ Արդարադատության, Էկոնոմիկայի, Ֆինանսների, Գյուղատնտեսության նախարարություններից, ՀՀ Բանկերի և Վարկային կազմակերպությունների միություններից, Հայաստանի ՓՄՁ զարգացման ազգային կենտրոնից, ֆինանսական ինստիտուտներից, գործարար միություններից, ՓՄՁ-ների զարգացմանն աջակցող կառույցներից և այլ շահագրգիռ կազմակերպություններից, ինչպես նաև նոտարներ, դատավորներ, իրավաբաններ, անշարժ գույքի կադաստրի պետական կոմիտեի աշխատակիցներ և այլն:

 

 

 

Համաժողովի ընթացքում կներկայացվեն շարժական գույքով ապահովված գործարքների համակարգի և շարժական գույքի միասնական ռեգիստրի էությունը, միջազգային փորձը, ապահովված գործարքների համակարգի ներդրման կարևորությունը Հայաստանում, օրենսդրության առանձնահատկությունները, ապահովված գործարքների համակարգի ներդրման ազդեցությունը ֆինանսական միջոցների հասանելիության բարելավման վրա և այլն: Համաժողովի մասնակիցները հնարավորություն կունենան հնչեցնել հարցեր  և ներկայացնել իրենց տեսակետները նախատեսված բարեփոխումների վերաբերյալ։

 

 

 

Կից ներկայացված է համաժողովի օրակարգի նախնական տարբերակը:

 

 

 

Խնդրում ենք մինչև ս.թ. մարտի 31-ը հաստատել Ձեր մասնակցությունը` զանգահարելով (060) 60-30-31/32, կամ էլեկտրոնային գրությամբ` info@armeniafed.com:

 

 

 

Հարգանքով՝

 

ԱՄՆ ՄԶԳ «Ֆինանսներ տնտեսական զարգացման համար» ծրագիր

 

 

 

 

 

Eugenia Evoyan

 

Team Leader

 

USAID Finance for Economic Development (FED) Program

 

 

 

​tel.: +374 60 60 30 31 ext. 106

 

mob.: +374 55 005 176

 

 

 

4/6 Amiryan Str., 0010 Yerevan, Armenia

 

 

 

e-mail: eevoyan@armeniafed.com

 

http://www.armeniafed.com​

 

  -