Ապրիլի 21-ին` ժամը 21:30-ին, Ա. Սպենդիարյանի անվան օպերայի և բալետի ազգային ակադեմիական թատրոնում կկայանա «100 տարվա հիշողություն» համերգի ուղիղ հեռարձակումը Փարիզի հեղինակավոր Շատլե համերգասրահից:
Համերգին մասնակցում են աշխարհի լավագույն նվագախմբերում հանդես եկող 50 հայ երաժիշտներից հատուկ այս միջոցառման համար ստեղծված «Armenian World Orchestra» նվագախումբը, ինչպես նաև Գյուլբենկյան երգչախումբը, որի ղեկավարն է աշխարհահռչակ հայազգի դիրիժոր Ալեն Ալթինօղլուն: Համերգին հանդես կգան հռչակավոր մենակատարներ սոպրանո Հասմիկ Պապյանը, մեցցո-սոպրանո Նորա Գուբիշը, տենոր Լիպարիտ Ավետիսյանը, բաս Տիգրան Մարտիրոսյանը և այլոք: