Մեկնարկում է «Հարթակ» փորձի փոխանակման առաջին փառատոնը
16-10-2015 00:00:00 | Armenia |
Հոկտեմբերի 16-ից 18-ը կանցկացվի «Հարթակ» փորձի փոխանակման առաջին փառատոնը: Իր տեսակի մեջ եզակի այս փառատոնը կանցկացվի շուրջ 60 վարպետության դասերի, սեմինարների և էքսպո-ցուցահանդեսների ձևաչափով չորս թեմատիկ բաժիններում.
· Առողջ ապրելակերպ,
· Արվեստ և արհեստ,
· Խոհարարություն,
· Նոու Հաու/ Տեխնոլոգիաներ:
Դասընթացների խոսնակները անհատներ և կազմակերպություններ են, որոնք պատրաստ են պատմել իրենց հաջողության բանաձևվի, փիլիսոփայության և անձնական ձեռքբերումների մասին:
Նախագիծը փորձարարական է և նպատակ ունի գործնական գիտելիքներ ձեռք բերելու հաճելի և անմիջական ձևաչափ ներդնել, հանրությանը ներկայացնել տարբեր շնորհալի անհատների, ինչպես նաև խթանել համագործակցությունը ստեղծարար համայնքում:
«Մեր նպատակն է ստեղծել մի հարթակ, որտեղ մասնակիցները հնարավորություն կստանան սովորելու, փորձելու, անձնական փորձով կիսվելու և ինքնաբացահայտվելու ոչ ֆորմալ կրթական միջավայրում: Փառատոնի անվանումն էլ հենց սրա տրամաբանական եզրահանգումն է», - ասում է փառատոնի համահիմնադիր Քրիստինա Հարությունովան:
Միջոցառման ծրագրին, դասընթացներին ու խոսնակներին կարելի է ծանոթանալ՝ այցելելով փառատոնի կայք (www.hartakyerevan.com): Ծրագրում կան ինչպես անվճար, այնպես էլ վճարովի դասընթացներ, որոնց տեղերը սահմանափակ են և անհրաժեշտ է նախապես գրանցվել:
Փառատոնի մասին. «Հարթակ» փառատոնը ԷՕՆ հակասրճարան ակումբի «Փորձի փոխանակման ժամ» վարպետության դասերի, գործնական դասընթացների և քննարկումների շարքի տրամաբանական շարունակությունն է:
Փառատոնին աջակցում են Երևանի քաղաքապետարանը և ՀՀ էկոնոմիկայի նախարարության տուրիզմի վարչությունը:
Գործընկերներներն են՝
«Էլիտ Պլազա» բիզնես կենտրոնը, TSD-NTEF հիմնադրամը, Նուշիկյան Ասոցիացիան, «Անտենոր» տպարանը, OXFAM Հայաստանը և այլ կազմակերպություններ:
Լրացուցիչ տեղեկությունների համար կարող եք կապվել փառատոնի մեդիա համակարգող Տաթևիկ Մկրտումյանի հետ` info@hartakyerevan.com էլ.փոստով կամ +374/91 704515 հեռախոսահամարով:
ENGLISH 
Հայերեն
Русский
Դաս. հայերեն
French