ՌԱՀՀԿ հատուկ քննարկում. «Ադրբեջանի խորհրդարանական ընտրությունները եւ դրանց նշանակությունը Հայաստանի ու Ղարաբաղի համար»
09-11-2010 11:00:00 | |
Ռազմավարական եւ ազգային հետազոտությունների հայկական կենտրոնը (ՌԱՀՀԿ) կանցկացնի հատուկ քննարկում, որը տեղի կունենա երեքշաբթի, նոյեմբերի 9-ին, ժամը 11-ին, ՌԱՀՀԿ-ի կլոր սեղանի քննարկումների դահլիճում: Միջոցառման ընթացքում գնահատական կտրվի Ադրբեջանի նոյեմբերի 7-ի խորհրդարանական ընտրություններին եւ կքննարկվի դրանց նշանակությունը Հայաստանի ու Ղարաբաղի մասով:
Այս ընտրությունների արդյունքում Ադրբեջանում կազմվելիք նոր խորհրդարանը կարող է կարեւոր նշանակություն ունենալ Հայաստանի եւ Ղարաբաղի համար: Դրա նշանակությունը ներառում է Բաքվում ավտորիտար վարչակարգի ուժեղացումը, Ադրբեջանի ղեկավարության կողմից մշտապես հնչեցվող պատերազմի սպառնալիքների մեծացումը եւ Ղարաբաղի դեմ ռազմական գործողությունների սանձազերծումը:
Քննարկման ընթացքում ՌԱՀՀԿ տնօրեն Ռիչարդ Կիրակոսյանը կգնահատի Ադրբեջանի խորհրդարանական ընտրությունների արդյունքները` ուշադրության կենտրոնում պահելով Ադրբեջանի ռազմական ուժեղացման հնարավորությունը, ինչպեսեւ Բաքվի` տարածաշրջանային անվտանգության ու կայունության գլխավոր սպառնալիք դառնալու հանգամանքը: ՌԱՀՀԿ ավագ փորձագետ Մանվել Սարգսյանն իր հերթին կվերլուծի ԵԱՀԿ Մինսկի խմբի միջնորդական առաքելության համատեքստում Ադրբեջանի դիվանագիտական ռազմավարության ուղղությունը: