Հայաստանի ամերիկյան համալսարանը հրավիրում է «Ագեան» ցուցասրահի բացմանը
01-06-2010 18:00:00 | |
Հայաստանի ամերիկյան համալսարանը հրավիրում է «Ագեան» ցուցասրահի բացմանը, որը տեղի կունենա Փարամազ Ավեդիսեան մասնաշենքի 4-րդ հարկում:
Ցուցասրահի բացման առիթով միայն մեկ օր անձնական հավաքածուներից կցուցադրվեն Մարտիրոս Սարյանի հինգ կտավները, ինչպես նաեւ Մինասի, Հենրի Սիրանյանի եւ Սեյրան Խաթլամաջյանի ստեղծագործությունները :
Ցուցասրահի եւ ցուցահանդեսի բացման կապակցությամբ ելույթ կունենա Մարտիրոս Սարյանի թոռնուհին` Ռուզաննա Սարյանը, ով կխոսի նկարչի արվեստի եւ նրա ժառանգության մասին:
Այնուհետեւ համերգով հանդես կգա Կամերտոն կամերային համույթը: Համույթը սերտորեն համագործակցում է <<Առնո Բաբաջանյանի հիշատակի>> հիմնադրամի, ինչպես նաեւ հայտնի քանոնահարուհի, ՀՀ վաստակավոր արտիստուհի` Հասմիկ Լեյլոյանի հետ: