Նոր ներկայացում` սիրիահայերի մասին, սիրիահայերի մասնակցությամբ
25-02-2017 17:00:00 | Armenia |
Փետրվարի 25-ին, ժամը 17:00-ին, Հ. Պարոնյանի անվան Երաժշտական կոմեդիայի պետական թատրոնի Փոքր բեմում (մուտքը՝ ետնամասից) տեղի կունենա «Մանանա» ներկայացման առաջնախաղը:
Ներկայացումը պատմում է ընտանիքից բաժանված և հարազատ քաղաքից տարհանված, անորոշ ներկայով և լավ ապագա գտնելու ակնկալիքով Հայաստան եկած երկու սիրիահայ եղբայրների հոգեվիճակի ու առօրյա կյանքի մասին: Ներկայացմանը խաղում են ինչպես երևանաբնակ, այնպես էլ հրավիրված երկու սիրիահայ դերասաններ: Փորձ է կատարվել ավելի լավ հասկանալ մեր հայրենակիցներին: Ներկայացումը փորձ է նաև աջակցելու նրանց ինտեգրման գործընթացին և ստեղծելու երկխոսություն հայրենադարձ սիրիահայերի և հայաստանաբնակ հայերի միջև:
Ներկայացումն իրականացվում է «Թատրոն 8 թատերախումբի» նախաձեռնությամբ՝ Եկեղեցիների համաշխարհային խորհրդի Հայաստանյան Կլոր սեղան հիմնադրամի և Կանադայի կառավարության տեղական նախաձեռնությունների հիմնադրամի աջակցությամբ:
Ներկայացումն սկսվում է ժամը 17:00-ին: Խնդրում ենք դահլիճում լինել 16:45-ից ոչ ուշ:
ENGLISH 
Հայերեն
Русский
Դաս. հայերեն
French