Սարերն արդեն ձնածածկ են, իսկ «սրսուռ կարտոլը» տեղավորվում է պարկերում, ուրեմն ճիշտ ժամանակն է ցան վառելու եւ փուռ դնելու:
Հոկտեմբերի 26-ին` ժամը 11:00-ին, Գավառ քաղաքի զբոսայգում տեղի կունենա «Մեծ փուռ 2019» փառատոնը:
Հյուրընկալ քյավառցիները կկիսվեն իրենց ջերմությամբ և բերքուբարիք կհյուրասիրեն յուրաքանչյուր այցելուին:
Փառատոնը կուղեկցվի ժողովրդական երգ ու պարով, այցելուների մասնակցությամբ կկազմակերպվեն տարատեսակ հետաքրքիր մրցույթներ և սպորտային խաղեր:
Տաղավարներում տարածաշրջանի արտադրողները կներկայացնեն քյուֆթա, արիշտա, փախլավա, գաթա և ավանդական այլ ուտեստներ: Ի դեպ, քյուֆթայի և արիշտայի պատրաստման տաղավարներում այցելուները հնարավորություն կունենան տեսնելու և մասնակից դառնալու դրանց պատրաստման արարողությանը:
Վորլդ Վիժն Հայաստանի Գեղարքունիքի մարզի տնտեսական զարգացման ծրագրերի շրջանակներում ստեղծված Գանձակ և Սարուխան համայնքների կարտոֆիլ արտադրողների 2 խմբերի կողմից կկազմակերպվի «Փռի կարտոլի» հյուրասիրություն:
Փառատոնն անցկացվում է Վորլդ Վիժն Հայաստանի եւ ՀՀ Գեղարքունքի մարզպետարանի համատեղ ջանքերով:
***
Հավելյալ տեղեկությունների համար խնդրում ենք կապ հաստատել Վորլդ Վիժն Հայաստանի Հաղորդակցության բաժնի հետ` 095 005479 հեռախոսահամարով:
ENGLISH 
Հայերեն
Русский
Դաս. հայերեն
French
