Մանկագիրների և նկարազարդողների մրցույթի եզրափակիչ հանդիսությունը
14-12-2019 17:00:00 | Armenia |
Դեկտեմբերի 14-ին՝ ժամը 17:00-ին, Խնկո Ապոր անվան ազգային մանկական գրադարանում տեղի կունենա Մանկագիրների և նկարազարդողների մրցույթի եզրափակիչ հանդիսությունը: Հանդիսության ծրագրում նախատեսվում են երկու անվանակարգերում մրցանակների հանձնում և երաժշտական կատարումներ կիթառահար Հակոբ Ջաղացպանյանի, երգիչ, երգահան Ռուբեն Հախվերդյանի և երգիչ Գոռ Սուջյանի մասնակցությամբ:
Հիշեցնենք, որ «ԻԲԲԻ Հայաստանը» ՀՀ կրթության, գիտության, մշակույթի և սպորտի նախարարության աջակցությամբ սեպտեմբերին՝ 18 և բարձր տարիքի ստեղծագործողների շրջանում հայտարարել էր մանկագիրների և նկարազարդողների մրցույթ, որի նպատակն էր խթանել մանկագրության և մանկական գրքի նկարազարդման մշակույթի զարգացումը Հայաստանում: