Դեկտեմբերի 6-ին ժամը 16:00-ին Երևանում Հովհաննես Թումանյանի թանգարանում (Մոսկովյան 40) կայանալու է Ամենայն հայոց բանաստեղծի «Հոբելյանական ընտրանի-150: Հատընտիր» գրքի շնորհանդեսը: Հոբելյանական տարում լույս տեսած գիրքը նվիրված է Թումանյանի ծննդյան 150-ամյակին: Այն կազմել են Թումանյանի թոռնուհին, բանասիրական գիտությունների դոկտոր Իրմա Սաֆրազբեկյանը և թումանյանագետ, բանասիրական գիտությունների դոկտոր Սուսաննա Հովհաննիսյանը: Հատընտիրը ընդգրկում է մեծ գրողի ստեղծագործության ողջ ներկապնակը՝ պոեզիայի և արձակի լավագույն նմուշները, նաև հատվածներ հրապարակախոսական երկերից ու նամակներից:

 

   Հատընտիրը ընդգրկում է լուսանկարչական ներդիրներ «Թումանյանը լուսանկարներում» խորագրի ներքո՝ ներկայացնելով Թումանյանին և նրա ընտանիքին, մերձավորներին և գործընկերներին առնչվող հանրածանոթ և քիչ հայտնի լուսանկարներ: «Հոբելյանական ընտրանի-150: Հատընտիր» արժեքավոր գիրքը տպագրվել է «ԱՊԱՎԵՆ» ընկերության համահիմնադիրներ Արսեն Ղազարյանի և Գագիկ Աղաջանյանի մեկենասությամբ: Այն տպագրության է պատրաստել «Լոռվա ձոր» հայրենակցական միությունը (նախագահ՝ Սերգո Երիցյան):

 

                  Հայաստանի արդյունաբերողների և գործարարների միության լրատվական ծառայություն

 

  -