«Նովոստի» միջազգային մամուլի կենտրոնում տեղի կունենա կոմպոզիտոր Ալեքսանդր Հարությունյանի 90-ամյակին նվիրված մամուլի ասուլիս
27-09-2010 13:00:00 | |
Սեպտեմբերի 27-ին` ժամը 13:00-ին, «Նովոստի» միջազգային մամուլի կենտրոնում տեղի կունենա հայ ականավոր կոմպոզիտոր, հայ կոմպոզիտորական դպրոցի «կենդանի դասական» Ալեքսանդր Հարությունյանի 90-ամյակի առիթով անցկացվելիք համերգին նվիրված մամուլի ասուլիս:
Համերգը կազմակերպում է Դասական երաժշտության զարգացման հիմնադրամը եւ Ա.Խաչատրյանի անվան տրիոն: Համերգի մուտքն ազատ է: Համերգը հասանելի կլինի նաեւ բոլոր ցանկացողների համար ուղիղ ինտերնետ-հեռարձակման միջոցով:
Խաչատրյանի անվան տրիոն մտադիր է ստեղծել Դասական երաժշտության զարգացման հիմնադրամ, որի նպատակը Հայաստանում դասական երաժշտության մասսայականացման եւ զարգացման հետ կապված տարբեր նախագծերի իրականացումն է:
Մամուլի ասուլիսի մասնակիցներն են`
- ջութակահար Կարեն Շահգալդյանը,
- դաշնակահար Արմինե Գրիգորյանը,
- ՀԿԵ մամուլի ծառայության ղեկավար Վահե Դավթյանը,
- Խաչատրյանի անվան տրիոյի գործընկեր Ասատուր Գյուզելյանը: