Մարտի 25-ին` ժամը 10:00-ին և 26-ին` ժամը 10:00-ին ՀՀ Գիտությունների ազգային ակադեմիայում տեղի կունենա տարեկան ընդհանուր ժողովը:
Մարտի 25-ին տեղի կունենան ՀՀ ԳԱԱ-ի Մաթեմատիկական և տեխնիկական գիտությունների, Ֆիզիկայի և աստղաֆիզիկայի, Բնական գիտությունների, Քիմիական և Երկրի մասին գիտությունների, Հայագիտության և հասարակական գիտությունների բաժանմունքների տարեկան ընդհանուր ժողովները: Բաժանմունքների 2018թ-ի գիտական և գիտա¬կազմա¬կեր¬պա¬կան գոր¬¬ծունեության հիմնական արդյունքները կներկայացնեն բաժանմունքների ակադեմիկոս-քարտուղարները: Կքննարկվեն 2018թ-ի գործունեության արդյունքները և կներկայացվեն գիտական զեկուցումներ:
Մարտի 26-ին տեղի կունենա ՀՀ ԳԱԱ-ի տարեկան ընդհանուր ժողովը, որի ընթացքում ՀՀ ԳԱԱ 2018 թ-ի գիտական գործունեության հիմնական արդյունքների մասին զեկուցումով հանդես կգա ՀՀ ԳԱԱ նախագահ ակադեմիկոս Ռադիկ Մարտիրոսյանը: ՀՀ ԳԱԱ 2018թ-ի գիտակազմակերպական գործունեության մասին կզեկուցի ՀՀ ԳԱԱ ակադեմիկոս-քարտուղար թղթակից անդամ Հրանտ Մաթևոսյանը:
Տարեկան ժողովում ՀՀ ԳԱԱ թղթակից անդամ Ռուբեն Հարությունյանը, կենսաբանական գիտությունների դոկտոր Լևոն Եպիսկոպոսյանը և կենսաբանական գիտությունների թեկնածու Արսեն Առաքելյանը կներկայացնեն «Հայ ժողովրդի գենետիկա» գիտական զեկուցումը:
Մարտի 26-ին ՀՀ ԳԱԱ տարեկան ընդհանուր ժողովին մասնակցելու համար լրագրողները պետք է նախօրոք գրանցվեն ՀՀ վարչապետի մամուլի ծառայությունում` զանգահարելով 099 705 478 հեռախոսահամարին:
ԴԱՍ. ՀԱՅԵՐԵՆ 
Հայերեն
Русский
English
French