Մեդիա կենտրոն». Քննարկում «Անհանդուրժողականության մշակույթը Հայաստանում. ինչպե՞ս պայքարել խտրականության և ատելության խոսքի դեմ» թեմայով
26-03-2019 12:00:00 | Հայաստան |
Մարտի 26-ին, ժամը 12:00-ին «Մեդիա կենտրոնում» տեղի կունենա քննարկում «Անհանդուրժողականության մշակույթը Հայաստանում. ինչպե՞ս պայքարել խտրականության և ատելության խոսքի դեմ» թեմայով:
Բանախոսներն են`
Լարա Ահարոնյան, Կանանց ռեսուրսային կենտրոնի ղեկավար, իրավապաշտպան
Զառա Հովհաննիսյան, իրավապաշտպան
Լուսինե Սարգսյան, ՄԻՊ աշխատակազմի Հետազոտական և կրթական կենտրոնի ղեկավար
Արա Ղարագյոզյան, Հելսինկյան ասոցիացիայի փաստաբան
Բանախոսների կազմը կարող է համալրվել:
Իրավապաշտպաններն ու փաստաբանները Հայաստանում հաճախ են հայտնվում ատելության կոչերի և խտրականության դրսևորման թիրախում: Նմանօրինակ դեպք գրանցվեց նաև ս. թ. մարտի 8-ին կին իրավապաշտպան Լարա Ահարոնյանի նկատմամբ, ով պայքարում է գենդերային հավասարության և կանանց իրավունքների համար:
Իրավապաշտպանների համար անվտանգ և նպաստավոր միջավայրի ապահովման, նրանց իրավունքների պաշտպանության համատեքստում Հայաստանում դեռևս գրանցվում են թերություններ և բացթողումներ:
Խտրականության ենթարկված անձինք, այդ թվում` իրավապաշտպանները, զրկված են Հայաստանում արդյունավետ իրավական պաշտպանության միջոցներից, իսկ խտրականության դեպքերը մնում են անպատիժ: Հայաստանը չունի նաև հակախտրականության համապարփակ և արդյունավետ օրենսդրություն: Գործող օրենքները նույնիսկ չեն սահմանում խտրականություն եզրույթը:
Քանի որ Հայաստանում, մասնավորապես` սոցիալական ցանցերում հաճախակի են հայտնվում ծայրահեղական խմբեր, որոնք ամեն կերպ վարկաբեկում են իրավապաշտպանների ու փաստաբանների գործունեությունը, անհրաժեշտություն կա արդյունավետ իրավական պաշտպանության երաշխիքների և աջակցության:
Այս խնդիրների շուրջ Մեդիա կենտրոնում տեղի կունենա քննարկում վերոնշյալ բանախոսների մասնակցությամբ:
ԴԱՍ. ՀԱՅԵՐԵՆ 
Հայերեն
Русский
English
French
