ՀՀ կրթութեան եւ գիտութեան նախարարութիւնը տարածել է հաղորդագրութիւն, որում ասուած է. «ՀՀ կրթութեան եւ գիտութեան նախարարի 18.08.2010թ. 1309-այ/Ք հրամանով կասեցուել էր Երեւանի «գալիք»համալսարանի արտադրական կօօպերատիւին ՀՀ կրթութեան եւ գիտութեան նախարարի 2000թ. օգոստոսի 24-ի 284-մ հրամանով տրուած բարձրագոյն մասնագիտական կրթական ծրագրերով գործունէութեան թիւ 003 լիցենզիայի գործողութիւնը: Համաձայն վերը նշուած հրամանի, «գալիք»համալսարանը 2010 թուականի սեպտեմբեր ամսից պարտաւոր էր ապահովել կասեցուած մասնագիտութիւնների /«իրաւագիտութիւնէ դիպլոմաւորուած մասնագէտի կրթական ծրագիր` հեռակայ ուսուցման ձեւով, «կառավարում»դիպլոմաւորուած մասնագէտի կրթական ծրագիր` Առկայ ուսուցման ձեւով, «օտար լեզու եւ գրականութիւնէ բակալաւրի կրթական ծրագիր` առկայ ուսուցման ձեւով/ ուսանողների իրազեկումը եւ փաստաթղթերի տրամադրումը այլ ուսումնական հաստատութիւններում կրթութիւնը շարունակելու նպատակով: «գալիքէ համալսարանը ոչ միայն չի ապահովել նախարարի համապատասխան հրամանի կատարումը, այլեւ կասեցուած մասնագիտութիւնների գծով կազմակերպել է անօրինական կրթական գործընթաց` ոտնահարելով ուսանողների իրաւունքները: Հաշուի առնելով այն հանգամանքը, որ Հայաստանի բարձրագոյն մասնագիտական կրթութեան համակարգում ՀՀ կրթութեան եւ գիտութեան նախարարութեան կողմից իրականացուող բարեփոխումները միտուած էն ուսանողների շահերի պաշտպանութեանը եւ ուսանողի կրթութեան իրաւունքի իրացմանը` տեղեկացնում ենք, որ ՀՀ կրթութեան եւ գիտութեան նախարարութիւնը պատրաստակամ է. Աջակցել տուեալ ուսանողներին շարունակել իրենց կրթութիւնը Հայաստանի Հանրապետութիւնում գործող պետական եւ ոչ պետական հաւատարմագրուած բարձրագոյն ուսումնական հաստատութիւնների տուեալ մասնագիտութեամբ համապատասխան կուրսերում, Առարկաների տարբերութեան պարագայում հնարաւորութիւն տալ այդ ուսանողների քննութիւնները յանձնել անհատական մշակուած ժամանակացոյցով մինչ ուսումնական կիսամեակի աւարտը, Քննարկել ընդունող ուսումնական հաստատութիւնների հետ տուեալ ուսանողների ուսման վարձի որոշակի զեղչեր կիրառելու հնարաւորութիւնները: ՀՀ կրթութեան եւ գիտութեան նախարարութիւնը, հաւատարիմ մնալով իր որդեգրած քաղաքականութեանը, այսուհետ եւս շարունակելու է վերահսկողութիւնը կրթութեան որակի ապահովման նկատմամբ եւ այդ գործընթացում առաջնային է դիտարկուելու իւրաքանչիւր ուսանողի իրաւունքըէ:

---