Յունիսի 22-ի արտահերթ նիստում Ազգային ժողովն առաջին ընթերցմամբ ընդունեց «Աղբահանութեան եւ սանիտարական մաքրման մասին» օրէնքի նախագիծը եւ դրանից բխող մի շարք գործող օրէնքներում լրացումների եւ փոփոխութիւնների փաթեթը: Ըստ այդմ, մասնաւորապէս, սահմանւում էն աղբահանութեան եւ սանիտարական մաքրման սկզբունքները, աղբահանութեան վճարի հաշուարկման կարգը եւ դրոյքաչափերը, վճարողների շրջանակը, նրանց իրաւունքները եւ պարտականութիւնները, վճարման կարգը, պատասխանատուութիւնը չվճարելու համար: Կառավարութեան օրէնսդրական նախաձեռնութեանը դէմ քուէարկեցին ՀՅԴ խմբակցութեան անդամները, անկախ պատգամաւորներ Վիկտոր Դալլաքեանը եւ Յակոբ Յակոբեանը: Նախօրէին, նախագծի քննարկման ժամանակ, Հյդ-ին խմբակցութեան անդամ Արծուիկ Մինասեանը նշել էր, որ թէեւ 2010թ.-ի դեկտեմբերին Աժ-ի կողմից հաւանութեան չարժանացած նախագծի համեմատ «Աղբահանութեան եւ սանիտարական մաքրման մասին» ներկայիս օրինագիծը կրել է փոփոխութիւններ, այդ թւում էապէս նուազել էն աղբահանութեան վճարի դրոյքաչափերը, այդուհանդերձ «կան սկզբունքային հարցեր, որոնց այս նախաձեռնութիւնը նոյնպէս չի պատասխանում»:

---